Жылнаама: Кургак учукка каршы күрөшүүнүн эл аралык күнү

Кургак учукка каршы күрөшүүнүн бүткүл дүйнөлүк күнү. Бул күн Бүткүл дүйнөлүк саламаттык сактоо уюмунун чечимине ылайык белгиленип келет. Айтылуу немис микробиологу Роберт Кох 1882-жылдын 24-март күнү кургак учук дартын тапкан.

Ал эми Кыргызстанда жыл сайын 3800ден ашык кургак учук оорусу катталат. Оорунун эпидемиологиялык абалы туруктуу болсо да, оорулар катталууда жана жыл сайын болжол менен 200 бейтап каза болот.

Негизги көйгөйлөрдүн бири – оорунун эрте этапта аныкталбай калышы, бейтаптар дарылоону токтотушу жана дарыланууга туруштук берген кургак учуктун көбөйүшү. Ошондой эле оорунун таралышына миграция, экономикалык жактан аз камсыз болуу жана медициналык жардамга убагында кайрылбаган социалдык себептер таасир этет.

Бүгүнкү күнгө карата жылнаама.