Ошто рекультивация болгон дагы эки көрүстөн жашылдандырылды (видео)

Ош шаарындагы рекультивация болгон дагы эки көрүстөнгө көчөттөр отургузулуп, эски жайды экологиялык жактан калыбына келтирүү жана жашылдандыруу иштери жүргүзүлдү. Бул тууралуу мэриядан билдиришти.

Маалым болгондой, Ак-Гөр көрүстөнүнүн ордун көрктөндүрүү иштерине жогорку окуу жайлар да тартылып, Ош мамлекеттик университетинин жардамында 4 түрдүү көчөттөр отургузулду. Ал эми Мажүрүм-Тал көрүстөнүнүн ордуна 250дөн ашуун эмен дарагы эгилип, көчөттөр Көрктөндүрүү жана жашылдандыруу чарба комбинаты тарабынан камсыз кылынды.

"Ош шаары боюнча рекультивациядан өткөн 8 көрүстөндүн ордун жашылдандыруу иштери каралган. Учурда 4 эски көрүстөн көрктөндүрүлдү. Жакынкы күндөрү дагы 4 жайга көчөттөр отургузулат",- деп белгиленген маалыматта.