Жакшы окуган окуучуларга жакшы жаңылык

Агартуу министри Догдуркүл Кендирбаева олимпиададан орун алган окуучулардын эмгеги бааланышы керектигин айтты.

Ал "Биринчи радиого" курган маегинде республикалык олимпиадада орун алган окуучуларды жогорку окуу жайлардагы квота боюнча алына турган адистиктерге жалпы республикалык тестирлөөсүз кабыл алуу боюнча сунуш берилип жатканын билдирди. Мындай жеңилдикке облустук олимпиададан биринчи орунду алгандар дагы илинет.

Ал эми облустук олимпиададан экинчи жана үчүнчү орунду алган окуучулар өз облусундагы кесиптик окуу жайларга ЖРТсыз тапшыра алышат.