Депутат Чүй дарыясынын нугун бекемдөөгө бөлүнчү каражатты көбөйтүүнү сунуштады

Жогорку Кеңештин депутаты Улан Сариев Кыргыз-Казак чек арасын бөлүп турган Чүй дарыясынын нугун бекемдөөгө бөлүнчү каражатты көбөйтүү керектигин айтты.

Ал дарыя нугунун өзгөрүшүнөн улам өлкө жер аянттарын жоготуп жатканын белгиледи.

"Өзгөчө кырдаалдар министрлигине жыл сайын жээкти бекемдөө максатында каражат бөлүнөт. Эми ошол каражатты көбөйтүп берсеңиздер. 2 жылдын ичинде бекемдөө иштерин бүтүрүшпөсө, аянттар жоголуп жатат",- деди эл өкүлү.