УКМКнын мурдагы төрагасы Камчыбек Ташиевге эки берене боюнча айып тагылды

Улуттук коопсуздук боюнча мамлекеттик комитетинин мурдагы төрагасы Камчыбек Ташиевге Кылмыш-жаза кодексинин эки беренеси боюнча расмий айып тагылганы маалым болду.

Маалыматка ылайык, ага "Бийликти күч менен басып алуу же кармап туруу" жана "Кызмат абалынан кыянаттык менен пайдалануу" беренелери боюнча айып коюлган. Бул тууралуу жактоочу Икрамидин Айткулов билдирди.

Ошондой эле экс-аткаминерге карата өлкөдөн чыкпоо жөнүндө тил кат түрүндөгү бөгөт чарасы тандалган. Адвокаттын айтымында, Камчыбек Ташиев коюлган айыптарды моюнуна алган жок.