Индиялык жарандар Москвадагы оргуманы кир жуучу жайга айландырышты (видео)

Орусиянын Москва шаарында жайгашкан "Элдердин достугу" фонтанында индиялык жарандардын кир жууп жаткандагы видеосу социалдык тармактарга тарады.

Анда алар фонтандын суусун кир жуу үчүн колдонушканын көрүүгө болот. Аталган оргума өлкөнүн маданий мурас объекти катары эсептелет. Буга байланыштуу индиялыктардын бул аракети коомчулукта кызуу талкуу жаратты.

Алар мындай аракетин Индияда ачык суу булактарында кир жуу кадимки көрүнүш экендиги менен түшүндүрүшкөн.

Ал эми айрым социалдык тармактын колдонуучулары видео жасалма интеллекттин жардамы менен жасалганын жазышууда.