Кайсы көчөлөр менен жүрөт? Келечекте Бишкекте метробус каттамга чыгат

Бишкек шаарынын бекитилген башкы планында метробус линиясы көрсөтүлгөн. Метробус жалпы 10 көчө менен жүрөт.

• Чүй кең көчөсүнүн Мухтар Ауэзов көчөсүнөн Садыгалиев көчөсүнө чейинки бөлүгү.
• Иса Ахунбаев көчөсүнүн Мухтар Ауэзов көчөсүнөн Садыгалиев көчөсүнө чейинки бөлүгү.
• Мухтар Ауэзов көчөсүнүн Чүйдөн Ахунбаевге чейинки бөлүгү.
• Садыгалиев көчөсү боюнча Чүй көчөсүнөн Семетей көчөсүнөн чейин. Андан ары Семетей көчөсү менен Барпы Алыкулов көчөсүнө барат.
• Чыңгыз Айтматов көчөсүнүн Жеңиштин 50 жылдыгы көчөсүнөн Чүй көчөсүнө чейинки бөлүгү.
• Ибраимов көчөсү менен Чүйдөн Ахунбаев көчөсүнө чейин.
• Жаш Гвардия гүлбагы көчөсү боюнча Чүй көчөсүнөн баштап Түндүк айланма жолуна жетпей барат.
• Жусуп Абдрахманов көчөсүнүн Чүй көчөсүнөн Курманалиев көчөсүнө чейинки бөлүгү. Андан ары Курманалиев менен Алма-Ата көчөсүнө кошулуп, анан Түндүк айланма жолуна чыгат.

Мындан тышкары, башкы планда трамвай линиялары да каралган.