Депутат мектептерге жасалма интеллект сабагын киргизүүнү сунуштады

Жогорку Кеңештин депутаты Таалайбек Сарыбашов мектеп программасына жасалма интеллект сабагын киргизүүнү сунуштады.

"Бүгүнкү күндө жасалма интеллект дүйнөнүн экономикасын, билим берүүсүн, интернет ааламын өзгөртүп жатат. Эми эртең кеч болуп калбашы үчүн, азыртан мектептерде ЖИ сабаттуулугун окутууну башташыбыз керек. Азырынча мектептерде адистер жетишсиз болушу мүмкүн. Жок дегенде информатика сабагында ЖИнин элементтерин окутуу зарыл деп ойлойм. Мурда компьютерди билген адам алдыда болсо, эми жасалма интеллектти түшүнгөн коом атаандаштыкка жөндөмдүү болот",- деди ал парламенттин 20-майдагы жыйынында.