Депутат жаш кыздар дем салуу учурунда ыдыкка кабылып жатканын айтты (видео)

Бүгүн, 20-майдагы Жогорку Кеңештин жыйынында депутат Эльвира Сурабалдиева аймактарда жаш кыздар дем салуу учурунда ыдыкка кабылып жатканын билдирди.

Жыйында эл өкүлү жаш кыздарды андай жерлерге жалгыз жибербөө керектигин белгиледи.

"Аймактарда дем салуу деген нерсе бар. Мен жергиликтүү кеңештин депутаттарына кайрылат элем, аялдарды, өзгөчө жаш, бойго жете элек кыздарды андай жерлерге жалгыз жөнөтпөңүздөр. Мага аймактагы мырзалар кайрылды, ошондой туура эмес учурлар катталып жатыптыр. Дем салабыз деген шылтоо менен андай жаман иштерге баргандар бар. Муну көзөмөлгө алуу керек. Аялардын, кыздардын коопсуздугу мамлекетке деле керек",- деди депутат.