Акыркы коңгуроодо жаратылыш аймактарында, клубдарда, кафелерде көзөмөл күчөтүлөт

Ички иштер министрлиги мектептердеги Акыркы коңгуроого байланыштуу жаратылышы кооз аймактарда көзөмөл күчөтүлөрүн билдирди.

Маалымдалгандай, Акыркы коңгуроо күнү, ага чейин жана андан кийинки күндөрү дагы жаратылышы кооз аймактар, кафе-ресторандар, түнкү клубдар, көлдөр, суу жээктери, унаа жолдору милиция тарабынан көзөмөлгө алынат.

Министрлик мектеп жетекчилерин, ата-энелерди жана бүтүрүүчүлөрдү мыйзам талаптарын так сактоого жана балдардын коопсуздугуна өзгөчө көңүл бурууга чакырды.