Садыр Жапаров Кытай лидерине көңүл айтты

Мамлекет башчысы Садыр Жапаров Кытайдын лидери Си Цзиньпинге көңүл айтуу телеграммасын жөнөттү.

Президенттин администрациясы билдиргендей, анда өлкө башчынын Кытайдын Шаньси провинциясындагы көмүр шахтасында газдын жарылышынын кесепетинен адамдар каза болду деген кабарды терең кайгыруу менен кабыл алганы айтылат.

"Кыргызстан элинин жана жеке өзүмдүн атымдан каза болгондордун үй-бүлөлөрүнө жана жакындарына аза кайгысын тең бөлүшүп көңүл айтам жана жабыр тарткандардын тез арада сакайып кетишин каалайм", - деп белгиленген телеграммада.