Конгодо эбола вирусун жуктуруп алган медкызматкерлердин санын айтылды

Конго өлкөсүндө эбола вирусун жуктуруп алган медицина кызматкерлеринин саны 16ны түздү. Бул тууралуу Бүткүл дүйнөлүк саламаттык сактоо уюмунун маалыматында айтылат.

Учурда төрт медицина кызматкери илдеттен толук айыгып, ооруканадан чыгарылды.

"Жекшемби күнү алынган маалыматтарга караганда, өлкөдө вирус жуктуруп алган жалпы 210 учур катталган. Алардын ичинен 17 жаран каза тапты. Дагы 350 учур текшерүү процессинде",- деп айтылат анда.

Маалымат үчүн: Эбола - өтө кооптуу вирустук инфекция болуп эсептелет. Бул вирус биринчи жолу 1976-жылы Африкада, Конго Демократиялык Республикасында жана Судан аймактарында катталган. Оорунун табигый булагы катары жарганаттар, маймылдар эсептелет. Вирус аталган жаныбарлар аркылуу адамга жугушу мүмкүн. Ал эми адамдан адамга кан, дене суюктуктары же булганган буюмдар аркылуу өтөт. Ошондуктан оорулуу адамга жакын байланышта болуу эң чоң коркунуч жаратат.