Милиция кызматкерлери бөбөктөргө белек таратышты (видео)

Милиция кызматкерлери бөбөктөргө белектерди таратышты. Кичинекей балдардын кубанганы тартылган видеону Ички иштер министрлиги жарыялады.

Анда милиция кызматкерлери жасалгаланган кызматтык унаалар менен ИИМдин имаратынан чыгышып, алгач Ала-Тоо аянтына барышканын, ал жердеги балдарга белектерди таратышканын көрүүгө болот. Андан соң калаа ичин аралашып, шаардын кичинекей тургундарына кубануу тартуулашкан. Ошондой эле белектерден Эне жана баланы коргоо улуттук борборундагы кичинекей бейтаптар дагы кур калышкан эмес.

Министрлик белектер Балдарды коргоо күнүнө карата таратылганын белгилейт.