4-июндан 6-июнга чейин Бишкектин айрым көчөлөрүндө жол кыймылына чектөө киргизилет

4-июндан 6-июнга чейин Бишкек шаарынын айрым көчөлөрүндө убактылуу жол кыймылына чектөөлөр киргизилет. Бул тууралуу 2-июнда ИИМдин басма сөз кызматы билдирди.

Маалыматка ылайык, бул күндөрү өлкөдө Шанхай Кызматташтык Уюмуна мүчө мамлекеттердин ички иштер жана коомдук коопсуздук министрлеринин жыйыны өтөт. Иш-чара мамлекеттик деңгээлде чет өлкөлүк делегациялардын катышуусунда өткөрүлөт.

Чектөөлөр төмөнкү маршруттар боюнча каралган:

• Фучик көчөсүнөн Васильевский трактына чейин ("Манас" эл аралык аэропортунун жолу);
• Чүй проспектинен Манас проспектине чейин;
• Манас проспектинен "Ала-Арча" мамлекеттик резиденциясына чейин;
• Байтик Баатыр көчөсү.