Лавров: “Ирандын өзөктүк курал жасоого умтулганын далилдеген фактылар жок”

Орусиянын тышкы иштер министри Сергей Лавров Иран өзөктүк курал түзүүгө аракет кылганын тастыктаган эч кандай далилдер жок экенин билдирди. Бул тууралуу орус басылмалары жазышты.

Анын айтымында, июнь айында Ирандын жетекчилиги өлкөнүн жогорку лидери Али Хаменеи чыгарган өзөктүк куралды жасоого тыюу салган фетвага берилгендигин дагы бир жолу көрсөткөн.

Лавров ошондой эле Ирандын бул позициясын өзгөртүүгө негизсиз америкалык чабуул гана таасир этиши мүмкүн экенин белгиледи.

Министр бул тууралуу RT Arabic телеканалына берген маегинде айтты.