"Тапанча менен чуркап". Ош шаарында массалык мушташ катталды

Бүгүн, 5-июнда Ош шаарындагы «Олигарх» ресторанынын жанында массалык мушташ болгону тууралуу маалымат соцтармактарга тарады.

Күбөлөр тарткан видеодо тойдо жүргөн бир нече адамдын өз ара урушуп жатканын көрүүгө болот. Ошондой эле кадрларда мушташка катышкандардын биринин колунда ок атуучу курал бар экени байкалган.

Учурда окуянын так жагдайлары жана себептери такталууда. Тийиштүү органдар расмий маалымат бере элек.