Көз кубанат! Өзбекстандык күйөрмандар беттештен кийин стадионду тазалап кетишти

Өзбекстан улуттук футбол курама командасы менен Колумбия улуттук футбол курама командасы ортосундагы тарыхый беттештен кийин өзбекстандык күйөрмандар маданияттуу жүрүм-туруму менен көпчүлүктүн көңүлүн бурду.

Командасы жеңилгенине карабастан, күйөрмандар акыркы ышкырыктан кийин стадиондон дароо чыгып кетпестен, өздөрү отурган жердеги таштандыларды жыйнап кетишти.

Мындай көрүнүш буга чейин Япония улуттук футбол курама командасынын күйөрмандары аркылуу дүйнөгө кеңири таанылган эле. Эми бул жакшы салтты өзбекстандык күйөрмандар да улап, көпчүлүктүн алкышына ээ болушту.