Бишкекте жаш жубайлардын алгачкы дарагы отургузулду

"Жаш жубайлардын дарак отургузуусу" долбоорунун алгачкы катышуучулары көчөт отургузушту. Бул тууралуу Бишкек шаарынын мэриясынан билдиришти.

Маалымдалгандай, жубайлар "Адинай" паркына көчөт отургузуп, борбор калааны жашылдандыруу ишине өз салымдарын кошушкан.

Айта кетсек, долбоорго катышуу үчүн бак отургузула турган күнгө 2 жума калганда шаар мэриясынын расмий сайтындагы "Жаңы үйлөнгөндөргө бак отургузуу" бөлүмү аркылуу билдирүү калтыруу зарыл. Катышуучулар күндү, аймакты тандап, андан соң төлөмдү QR-код аркылуу жүргүзө алышат.