Бишкекте таң эрте көчөдө мушташкан кыздар милицияга жеткирилди (видео)

Бишкек шаарынын милициясы мушташкан кыздардын социалдык тармактарга тараган видеосу боюнча текшерүү жүргүздү.

Ленин райондук ички иштер башкармалыгы билдиргендей, окуяга тиешеси бар 1997-жылы туулган К.Э. жана М.А. аттуу жарандар аныкталып, милиция бөлүмүнө жеткирилген.

Аларга карата Укук бузуулар кодексинин 126-беренеси (Майда бейбаштык) боюнча протокол түзүлүп, убактылуу кармоочу жайга киргизилди. Топтолгон материалдар соттун кароосуна жөнөтүлдү.

Милиция жарандарды коомдук тартипти сактоого жана чыр-чатактарга жол бербөөгө чакырды.