Жеки Чандын жаңы тасмасы Алматыда тартыла баштады

Бүгүн, 10-июлда Алматы шаарында дүйнөгө белгилүү актёр Жеки Чандын катышуусунда "Кудайдын сооту: Ультиматум" аттуу эл аралык тасманын тартуу иштери расмий башталды.

Бул тууралуу Алматы облусунун акими Марат Султангазиев билдирди.

"Алматы облусунун кооз жаратылышы дүйнөлүк деңгээлдеги кинонун көркүн ачат. Бул биздин аймак үчүн чоң сыймык жана жакшы мүмкүнчүлүк. Негизги тартуу иштери Каскелендеги жаңы кино павильонунда өтөт. Мунун аркасында облусубуздун кинотуризм тармагындагы мүмкүнчүлүгү жаңы деңгээлге көтөрүлөт",- деген ал.

Акимдин айтымында, тасманын тартуу иштери ушул жылдын июль айынан октябрь айына чейин уланат. Ошондой эле ал долбоорго катышып жаткан казакстандык жана чет элдик чыгармачыл топко ийгилик каалады.