"75чилердин" каты: Соттолуучулардын мамлекетке алына турган мүлктөрү

2-июлда Бишкектин Биринчи Май райондук соту резонанстуу "75чилердин" иши боюнча өкүм чыгарган.

Аталган иште айыпталып жаткан 8 адам, тагыраагы, УКМКнын мурдагы башчысы Камчыбек Ташиев, мурдагы баш прокурор Курманкул Зулушев, экс-спикер Нурланбек Тургунбек уулу, Бекболот Талгарбеков, Эмилбек Узакбаев, Курманбек Дыйканбаев, Аалы Карашев жана Курсан Асанов "Бийликти күч менен басып алуу" беренеси боюнча күнөөлүү деп табылып, 4 жылга эркиндигинен ажыратылышкан. Бирок айыпталуучуларга 3 жылдык пробация жазасы чегерилген.

Ал эми "Кызмат абалын кыянаттык менен пайдалануу" беренеси боюнча бардык айыпталуучулар акталышкан. Сот аларды "Бийликти күч менен басып алуу" беренеси боюнча мүлкүн конфискациялоо боюнча да чечим кабыл алган.

Өкүмдө Талгарбековдун Бишкектеги батири, BMW X5 үлгүсундөгү унаасы, Карашовдун Бишкектеги батири, Дыйканбаевдин Ысык-Көлдүн Балбай айылындагы 2 жер тилкеси, Leopard 3 үлгүсүндөгү унаасы мамлекетке алынганы жазылган. Ошондой эле Зулушевдин Оштун Мырза-Аке айылындагы үйүн камактан чыгаруу чечими айтылды.