Кадимки хаскиге окшош түлкүнү көрдүңүз беле?

Таанышып алыңыз, бул канадалык мрамор түлкүсү - кызыл түлкүнүн селекция жолу менен алынган өңүнүн бир түрү. Ал жапайы жаратылышта кездешпейт жана алгач Канадада өстүрүлгөн.

Ал ак, боз жана кара түстөр айкалышкан өзгөчө өңү менен айырмаланып, cырткы көрүнүшү айрымдарга хаскини элестет. Генетикалык негизин кадимки кызыл түлкү түзгөндүктөн, суукка жакшы чыдайт.

Мрамор түлкүсү өтө шамдагай жана угуу жөндөмү күчтүү, ар кандай үндөрдү чыгара алат. Экзотикалык үй жаныбары катары багылгандыктан, анын жүрүм-турумунда ит менен мышыкка мүнөздүү белгилер да байкалат.

Үлпүлдөк куйругу жана кооз өңүнүн аркасында ал социалдык тармактарда кеңири тараган. Бирок интернеттеги "мрамор түлкү" деп жарыяланган сүрөттөрдүн баары эле чыныгы эмес. Айрымдары жасалма интеллект аркылуу түзүлгөн же сүрөттөрү оңдолгон. Ошондуктан мындай сүрөттөрдүн булагын текшерип көрүү маанилүү.