Бүгүн айрым аймактарда өткүн өтүп, күн күркүрөйт

Бүгүн, 28-июлда өлкөнүн айрым аймактарында жаан-чачын күтүлөт. Бул тууралуу Кыргызгидромет кызматы билдирди.

Маалыматка ылайык, Нарын жана Ысык-Көл облустарынын айрым жерлеринде, ошондой эле Ош облусунун тоолуу райондорунда өткүн өтүп, күн күркүрөшү мүмкүн.

Абанын температурасы:

• Чүй облусунда +31...+36°;
• Ош, Жалал-Абад жана Баткен облустарында +34...+39°;
• Талас облусунда +29...+34°;
• Ысык-Көл облусунда +24...+29°;
• Нарын облусунда +27...+32° болот.

Бишкек шаарында күн ачык болуп, абанын температурасы +33...+35° болушу күтүлөт.

Ошондой эле батыштан соккон шамалдын ылдамдыгы күндүз айрым жерлерде секундуна 15-20 метрге чейин жетери маалымдалды.