Японияда жер титирөөдөн кийин цунами коркунучу жарыяланды

Япониянын түштүк-батышында шейшемби күнү күчү 7,1 баллга жеткен жер титирөө катталды. Бул тууралуу чет элдик маалымат булактары жазышууда.

Япониянын метеорологиялык агенттигинин маалыматына ылайык, жер титирөөдөн кийин Ариаке жана Яцусиро булуңдары үчүн цунами коркунучу тууралуу эскертүү берилди. Жергиликтүү тургундарга коопсуздук чараларын сактап, жээк аймактарынан алыс болуу сунушталды.

Жер титирөөнүн очогу Кумамото префектурасында, болжол менен 10 чакырым тереңдикте жайгашкан.

Kyushu Electric компаниясынын маалыматы боюнча, Кумамото префектурасында болжол менен 45 миң 600 үй электр жарыгысыз калган.

Учурда жер титирөөдөн жабыркагандар жана келтирилген зыян тууралуу так маалыматтар такталууда. Тиешелүү кызматтар кырдаалды көзөмөлгө алып, аймактагы абалды текшерүү иштерин жүргүзүп жатат.