Трамп Ормуз кысыгындагы абалды баалады 

АКШнын президенти Дональд Трамп Ак үйдө журналисттердин суроолоруна жооп берип жатып, Ормуз кысыгындагы абал тууралуу да сөз кылды.

Ал Ормуздагы кырдаал жакшы нукта өнүгүп жатканын белгилеп, башка жагдайлар тууралуу айткан эмес.

Буга чейин Ирандын тышкы иштер министрлиги Тегеран менен Маскат Ормуз кысыгы аркылуу кемелердин өтүү багытынын географиялык өзгөчөлүктөрү боюнча макулдашууга жетишкенин билдирген.

"Баары жакшы нукта жүрүп жатат",- деди Трамп.

Трамп бейшемби күнү Иран менен жүргүзүлүп жаткан сүйлөшүүлөргө өзү да түздөн-түз катышып жатканын айтып, тараптар жакын арада келишимге жетиши мүмкүндүгүн билдирген.