Италиялык мушкер кыргызстандык спортчудан тизелеп кечирим сурады (видеолор)

Кытайда 9-августта өткөн мелдеште италиялык мушкер Чиара Пенко кыргызстандык спортчу Бактыгүл Курманбекова менен беттешкен. Биринчи раундда Пенко атаандашынын колун кайрып алгандыктан, кыргызстандык спортчу беттешти уланта албай калган.

Жыйынтык жарыялангандан кийин италиялык мушкер кыргыз мушкеринен жаракат келтирип алганы үчүн тизелеп кечирим сураган. Бул көз ирмем тартылган видео социалдык тармактарда тарап, көпчүлүктүн жылуу пикирлерине себеп болду.

Буга чейин Бактыгүл Курманбекова беттеш алдында атаандашы менен болгон көз караш учурунда улуттук кийим кийип чыгып, көпчүлүктү суктандырган.