Көчмөндөр оюндарында Манас Ниязов, Өмүрбек Эсен уулу көкпар ойнойт (тизме)

VI Дүйнөлүк көчмөндөр оюндарына катыша турган Кыргызстандын көк бөрү жана көкпар боюнча улуттук курамалары белгилүү болду.

Көк бөрү боюнча командага 12 улакчы, көкпарга 12 оюнчу кирди.

Көк бөрү боюнча курама командада Таштемир Майлыбашев, Мирбек Муташев, Эдилжан Токтогул уулу, Нурбек Юсупов, Тилек Мусабеков, Назар Кошунбаев, Сейитбек Анарбек уулу, Кыяз Ниязов, Айдаркан Анарбеков, Нуржан Мелисбек уулу, Байтегин Оморбеков жана Айтбек Жолдошбек уулу бар.

Команданы Бектур Шүкүров жетектеп, башкы машыктыруучусу Урмат Мусаев болмокчу. Ал эми саяпкери Калыбек Алтыбаев.

Көкпар курамасында Жолдошбек Орозбаев, Кубаныч Султан уулу, Эрсултан Айдаркан уулу, Дастан Качкынбаев, Эрлан Төлөбеков, Рустам Мүдүнов, Дастан Русланов, Дастан Сагынбек уулу, Рустам Тыналиев, Манас Ниязов, Исхак Бекболот уулу жана Өмүрбек Эсен уулу ойнойт.

Эскерте кетсек, учурда Кыргызстандын намысын коргой турган эки команда тең алдыдагы мелдештерге кызуу даярдык көрүүдө.