"75чилердин иши": Катка кол койгондордун баары суракка алына турган болду

Бишкек шаардык сотунда "75чилердин каты" боюнча Биринчи Май райондук соту чыгарган өкүмгө каршы жазылган апелляциялык арыз каралды.

Айыпталуучулардын бири, Жогорку Кеңештин мурдагы төрагасы Нурланбек Тургунбек уулунун жактоочусу Латыпбек Нуралимов сотко аталган катка кол койгон адамдардын баарын суракка алуу өтүнүчү берилгенин билдирди. Ал бул тууралуу журналисттерге айтып жатып, сот макул болгонун тактады.

"75 киши кол койгон. Бирок баары суралбай жатат. Бул жакта айрымдарына кылмыш ишин козгоп койду, а калганы эмнеге жоопко тартылбайт?",- деди ал.

Кийинки отурум 17-августка белгиленди.