Таласта жакында президенттин катышуусунда уникалдуу аллея ачылат

Талас шаарындагы Нуржанов атындагы аллеянын курулушу 85 пайыз жыйынтыкталды. Бул тууралуу президенттин Талас облусундагы өкүлчүлүгү билдирди.

Маалымдалгандай, аллеянын аймагында эс алуучу жайлар, бутиктер, китепкана, спорт менен машыгууга арналган воркаут аянтчалары, Wi-Fi зонасы, фонтан жана башка заманбап инфраструктуралар болмокчу.

Нуржанов аллеясын реконструкциялоо иштери 2025-жылы башталган. Жаңыланган эс алуу жайы быйыл 11–12-сентябрда өлкөнүн Эгемендүүлүгүнүн 35 жылдыгына арналган салтанаттуу иш-чаралардын алкагында мамлекет башчысынын катышуусунда расмий ачылат.