Сулайман-Тоодо спорттук шоу уюштургандар аныкталышты 

Ош шаарындагы Сулайман-Тоодо спорттук чеберчиликтерин көрсөтүшкөн жарандарга чара көрүлдү. Бул тууралуу калаа милициясы билдирди.

Маалыматка ылайык, окуяга тиешеси бар жарандарга түшүндүрүү иштери жүргүзүлүп, эки уюштуруучуга карата Укук бузуулар кодексинин 126-беренеси (Майда бейбаштык) менен протоколдор түзүлгөн жана соттук кароого жөнөтүлгөн. Спорт клубдун машыктыруучусу ал жакка коңшу өлкөлөрдөн келген спортчулар менен бирге сүрөткө түшүү үчүн гана барышканын, анан видео тартуу идеясы пайда болгонун айтты.