"75чилердин каты": Бишкек шаардык соту отурумду жылдырды

Бишкек шаардык сотунда бүгүн, 24-августта өтө турган "75чилердин каты" боюнча сот жыйыны 27-августка жылдырылды.

Жактоочулардын бири Латипбек Нуралимовдун айтымында, буга айыпталуучулардын биринин адвокатынын келбей калышы себеп болду.

Шаардык сотто аталган иш Биринчи Май райондук соту чыгарган өкүмгө каршы жазылган апелляциялык арыздын негизинде каралууда.

Эске салсак, 2-июлда Бишкектин Биринчи Май райондук соту резонанстуу "75чилердин" иши боюнча өкүм чыгарган. Аталган ишке айыпталып жаткан 8 адамды, тагыраагы, УКМКнын мурдагы башчысы Камчыбек Ташиев, мурдагы баш прокурор Курманкул Зулушев, экс-спикер Нурланбек Тургунбек уулу, Бекболот Талгарбеков, Эмилбек Узакбаев, Курманбек Дыйканбаев, Аалы Карашев жана Курсан Асанов "Бийликти күч менен басып алуу" беренеси боюнча күнөөлүү деп табылышып, мүлкүн конфискациялоо менен 4 жылга эркиндигинен ажыратылышкан. Бирок айыпталуучуларга 3 жылдык пробация жазасы чегерилген.

Ал эми "Кызмат абалын кыянаттык менен пайдалануу" беренеси боюнча бардык айыпталуучулар акталышты.