Ошто мектепке барчу жол мыйзамсыз объектилерден тазаланууда

Ош шаарындагы Жетимишов көчөсүндө жайгашкан Б.Алыкулов атындагы мектептин айланасын иретке келтирүү иштери жүрүп жатат. Бул тууралуу шаардык мэриядан билдиришти.

Маалыматка ылайык, мектепке кирип-чыгууга тоскоолдук жараткан унаа жуучу жай, гараждар жана башка мыйзамсыз жайгашкан объектилер алынып жатат.

Аймак толугу менен тазалангандан кийин мектепке баруучу жол ачылып, окуучулардын эркин жана коопсуз өтүүсүнө шарт түзүлөт.