Эрдоган Бишкекте Путин менен Украина боюнча маселени талкуулайт

Түркиянын президенти Режеп Тайып Эрдоган бүгүн, 31-августта Бишкекте өтүп жаткан Шанхай кызматташтык уюмунун саммитинин алкагында Орусиянын президенти Владимир Путин менен жолугушат. Бул тууралуу "РИА Новости" Түркия өкмөтүндөгү булакка таянып билдирди.

Жолугушууда Түркиянын Украинадагы жаңжалды жөнгө салуу боюнча сүйлөшүүлөргө ортомчулук кылууга даярдыгы талкууланат.

Маалыматка караганда, Анкара Украинадагы жаңжалды тынчтык жолу менен жөнгө салууга көмөктөшүүгө жана тараптардын ортосунда ортомчу болууга даяр экенин билдирген.

Мындан тышкары, Эрдоган менен Путин Жакынкы Чыгыштагы кырдаалды жана Сириядагы соңку окуяларды талкуулашы мүмкүн.

Эки өлкөнүн лидерлери Украинадагы кырдаалга жана Кара деңиздеги окуяларга да көңүл бурушат. Ошол эле учурда Орусиянын президентинин басма сөз катчысы Дмитрий Песков Орусия украин делегациясы менен сүйлөшүүлөрдү улантууга даяр экенин, бирок азырынча жаңы байланыштар үчүн зарыл шарттар түзүлө электигин кабарлаган.

Белгилей кетсек, Шанхай кызматташтык уюмунун саммити Бишкекте 31-августтан 1-сентябрга чейин өтүүдө. Ага уюмга мүчө мамлекеттердин жана бир катар өнөктөш өлкөлөрдүн лидерлери катышууда.