Садыр Жапаров кытайлык кесиптешине тарыхты эске салды

Өлкө башчы Садыр Жапаров Ынтымак Ордодо өлкөгө мамлекеттик сапар менен келген Кытай лидери Си Цзиньпин менен сүйлөшүүлөрдү өткөрүүдө.

Мамлекет башчысы өз сөзүндө эки өлкөнүн дипломатиялык алакасы 7-кылымда эле башталганын эске салды.

"Биздин элдердин ортосундагы биринчи дирломатиялык байланыш 7-кылымда болгону тастыкталган. Бул биздин саясат, экономика, маданият жаатындагы байланышыбыздын башталганынын күбөсү",- деди Садыр Жапаров.

Белгилей кетсек, тарыхый булактардагы маалыматтар боюнча, 632-жылы Энесай кыргыздарына Кытайдын Тан династиясынын атынан элчи барган. 648-жылы Кыргыз кагандыгынын элчилери Кытай барышкан.