Дыйканчылык менен алектенген Бекхэм өзгөчө түшүмүн көрсөттү (видео)

Англиянын легендарлуу футболчусу Дэвид Бекхэм жубайы Викторияга өзүнүн бакчасын көрсөтүп, быйылкы түшүмү менен мактанды. Ал өзгөчө формадагы кабакчасын көрсөтүп, аны адегенде жаңылып ашкабак деп атап, кийин оңдоп кетти.

Бекхэм тоокторунун жумурткаларын да чогултуп, Викторияны бир жумуртканы байкабай басып алгандыгы үчүн тамаша иретинде урушту.

Мындан тышкары, анын бакчасында пияз, кара өрүк, помидор жана ачуу калемпирлер өсүп жатканын көрүүгө болот.