Тибетте сел жүрүп, каза болгондордун саны 21ге жетти, 541 адам дайынсыз болууда

Кытайдын Тибет автономдуу районунда сел жүрүп, каза болгондордун саны 21ге жетти. Дагы 541 адам дайынсыз болууда. Бул тууралуу Кытайдын Борбордук телекөрсөтүүсү жергиликтүү бийликке таянып билдирди.

Буга чейин 16 адам каза болуп, 546 адам дайынсыз болуп жатканы айтылган.

Жергиликтүү бийликтин маалыматына караганда, 2-сентябрда саат 12:00гө карата табигый кырсыктан 21 адам каза болуп, 541 адам дайынсыз деп катталган.

Окуя 26-августта Кытай менен Непалдын чек арасындагы Гьиронг (Цзилун) өткөрмө бекетинин аймагында болгон. Тибет автономдуу районунда катуу сел жүрүп, Непалдын түндүгүндө суу ташкыны катталган.

Селдин күчтүү агымына Тибет тоолорунда агып өткөн Бхоте-Коси дарыясындагы суунун деңгээлинин кескин көтөрүлүшү себеп болгон.