Кырчында милиционерлер адашкан наристеге апасын таап беришти 

Көчмөндөр оюндары өтүп жаткан Ысык-Көлдүн Кырчын жайлоосунда 4 жаштагы наристенин апасы табылды. Бул тууралуу 4-сентябрда Жол кыймылынын коопсуздугун камсыздоо башкы башкармалыгы билдирди.

Маалымдалгандай, жол тескөөчүлөр жалгыз жүргөн наристени байкап калышкан. Дароо анын ата-энеси издөөгө алынып, видеобайкоолордун жардамы менен апасы жүргөн жер аныкталган.

Жыйынтыгында баланын энеси табылып, бала ага берилген.