"75чилердин каты" боюнча сот отуруму 10-сентябрга жылды (видео)

Бүгүн, 7-сентябрда "75чилердин каты" боюнча соттук жарыш сөздөр бүгүн аяктаган жок. Отурум 10-сентябрга жылдырылды.

Адвокат Икрамидин Айткуловдун айтымында, дагы үч жактоочу сөз сүйлөй элек.

Кийинки отурумда адвокаттар түшкө чейин сүйлөп, түштөн кийин айыпталуучулардын акыркы сөзү угулат. Андан соң соттун чечим чыгарышы күтүлүүдө.

Жактоочулар соттон айыпталуучуларды кылмыштын курамы жок болгондуктан актоону сурашты. Ал эми мамлекеттик айыптоочулар айыпталуучулардын баарын 9 жылдан абакка кесүүнү сурады.

Буга чейин Камчыбек Ташиевдин жактоочусу Икрамидин Айткулов Бишкектин Биринчи Май райондук сотунун өкүмүнө каршы шаардык сотко апелляциялык арыз берген. Бул ишти караган прокурорлор да шаардык сотко даттанганы маалымдалган.