Букингем сарайы ханзаада Гарри менен Меганды "жөнөкөй жарандар" деп атады

Букингем сарайы кечээ, 7-сентябрда ханзаада Гарри менен Меган Маркл британ падышалык үй-бүлөсүнүн иштеп жаткан мүчөлөрү эмес экенин дагы бир ирет расмий тастыктады. Бул тууралуу чет өлкөлүк басылмалар жазып чыгышты.

Алар 2020-жылы падышалык милдеттерин аткаруудан баш тартып, АКШга көчүп кетишкен. Жубайлар коомдук иш-чараларга жана кайрымдуулук долбоорлоруна өз алдынча катышып турушат.

Учурда Гарри менен Меган Сассекс герцогу жана герцогинясы титулдарын сактап калышканы менен, британ падышалык үй-бүлөсүнүн расмий иштеген мүчөлөрү катары эсептелбейт.