Жасалма интеллекттин адамзат үчүн кесепеттери айтылды

Британ-канадалык окумуштуу Жеффри Хинтон кечээ, 7-сентябрда жасалма интеллектти көзөмөлдөн чыгарып алуу адамзат үчүн катастрофалык кесепеттерге алып келиши мүмкүн экенин билдирди. Бул тууралуу чет өлкөлүк маалымат каражаттары жазышты.

"Бизден интеллектуалдык жактан ашып түшкөн жасалма интеллектти көзөмөлдөй албай калуу катастрофалык кесепеттерге, атүгүл адамзаттын жок болуп кетишине алып келиши мүмкүн",- деген Хинтон.

Окумуштуунун айтымында, ал буга чейин жасалма интеллект системдеринде өзүн-өзү аңдоонун белгилери пайда болгонун байкаган. Ошондуктан Хинтон бийликти технологияларды иштеп чыгуучу компанияларга өтө кубаттуу жасалма интеллект системдерин түзүүгө тыюу салууга чакырды.