Таластык мугалимден, маркум обончуга чейин... Президент "Эмгек баатыры" наамын тапшырды

Бүгүн, 9-сентябрда президент Садыр Жапаров бир катар жарандарга "Эмгек баатыры" наамын берди. Бул тууралуу президенттин басма сөз кызматы билдирди.

Маалым болгондой, сыйлыктар өлкөнүн социалдык-экономикалык, интеллектуалдык жана маданий өнүгүшүнө кошкон олуттуу салымы жана кесиптеги жетишкендиктери үчүн, өлкөнүн Көз карандысыздыгынын күнүнө карата берилди.

Алар:

• Белгилүү обончу Рысбай Абдыкадыровго (каза болгондон кийин);
• Опера жана балет театрынын башкы директору, композитор Муратбек Бегалиевге;
• Таластагы мектептин кыргыз тили мугалими Бектур Исаковго;
• Борбордук шайлоо комиссиясынын мүчөсү Сүйүнбек Касмамбетовго;
• Медициналык академиянын кафедра башчысы Дүйша Кудаяровго.