"75чилердин каты": Сот отуруму түшкү тыныгуудан кийин кайра уланды

Бүгүн, 10-сентябрда Бишкек шаардык сотунда "75чилердин каты" боюнча апелляциялык арыздын негизинде каралып жаткан иш боюнча сот жыйыны тыныгуудан кийин уланууда.

Отурумда айыпталуучуларга акыркы сөз берилери, андан кийин сот кеңешме бөлмөсүнө кирип, өкүм чыгарары маалым болду.

Эскерте кетсек, буга чейин Камчыбек Ташиевдин жактоочусу Икрамидин Айткулов Бишкектин Биринчи Май райондук сотунун өкүмүнө каршы шаардык сотко апелляциялык арыз берген. Бул ишти караган прокурорлор да шаардык сотко даттанганы маалымдалган.