Тажикстан эгемендүүлүгүнүн 35 жылдыгын жаңы стадиондо белгиледи

Кечээ, 9-сентябрда Дүйшөмбү шаарындагы Улуттук стадиондо Тажикстандын мамлекеттик эгемендүүлүгүнүн 35 жылдыгына арналган масштабдуу театралдаштырылган майрамдык иш-чара өттү. Ага аталган өлкөнүн президенти Эмомали Рахмон катышып, сөз сүйлөдү.

Мамлекет башчысы Тажикстандын элин эгемендүүлүктүн мааракеси менен куттуктап, өлкөнүн өнүгүүсүндө тынчтык, туруктуулук жана улуттук биримдиктин маанилүү экенин белгиледи.

Иш-чаранын жүрүшүндө “35 тагдыр чечүүчү жыл” аттуу театралдаштырылган программа көрсөтүлдү. Анда өлкөнүн өнүгүүсү, энергетикалык көз карандысыздык, өнөр жай, азык-түлүк коопсуздугу жана санариптик өнүгүү сыяктуу темалар чагылдырылды.

Майрамдык концерттик программага тажикстандык белгилүү ырчылар, музыканттар, актёрлор жана чыгармачыл топтор катышты.

Иш-чаранын алкагында 30 миң көрүүчүгө ылайыкталган жаңы Улуттук стадиондун расмий ачылышы да болду.