Президент менен биринчи айым "Баластанда" 6D-кинотеатрдан тасма көрдү (видео)

Президент Садыр Жапаров жана биринчи айым Айгүл Жапарова жаңы ачылган "Баластан" балдар оюн-зоок борборундагы заманбап 6D-кинотеатрдын мүмкүнчүлүктөрү менен таанышып, тасма да көрүштү.

Анда мультимедиялык технологиялардын жардамы менен көрүүчүлөр тасманын атмосферасына толук сүңгүп киргендей таасир ала алышат. Борбордо 9D форматындагы көрүү залдары да каралган.

1,7 гектар аянтты ээлеген борбордо өнүктүрүү зоналары, аттракциондор, амфитеатр, мультимедиялык мейкиндиктер жана STEAM-академия жайгашкан.

Бул жай бир учурда 3400 балага чейин кабыл ала алат.