"Күрөк кармаганды билишпейт". Депутат окуучуларды ишембиликке чыгарууну сунуштады

Жогорку Кеңештин депутаты Рустамбек Советбек уулу 10-11-класстын окуучуларын ишембилик иштерине тартуу керектигин айтты.

Эл өкүлү бүгүн, 23-сентябрдагы парламенттин отурумунда мындай сунушту ага мугалимдер бергенин билдирди. Депутаттын айтымында, окуучулар тазалыкка үйрөнүшмөк.

"Шаарда окуучу балдар күрөктү кантип кармашты да билбей калышыптыр. Кыздарыбыз шыпыргы кармаганды билбейт. Ишембиликке окуучулар катышса, анда өздөрү да тазалыкка үйрөнүшмөк",- деди Советбек уулу.