Депутат чет өлкөлүктөрдүн айынан студенттер ишсиз калышканын айтты

Бүгүн, 23-сентябрдагы Жогорку Кеңештин жыйынында депутат Уланбек Жаанбаев чет өлкөлүк жарандардын өлкөдө иштөөсүнө чектөө киргизүү керектигин айтты.

Ал белгилегендей, студенттер жай мезгилинде жумушсуз калып жатышат.

"Курулуш тармагындагы оор жумуштарда иштей беришсин. Бирок такси, жеткирүү жаатында чет өлкөлүктөргө чектөө кылсак. Себеби, өзүбүздүн студенттер жайында иш таппай калып жатышат. Алар контрагына акча табыш үчүн жеткирүү тармагында, кафелерде иштешет",- деди эл өкүлү.