Садыр Жапаров Кыргызстандын алгачкы спутнигин учурууга байланыштуу АКШга барды

Бүгүн, 1-октябрда президент Садыр Жапаров Кыргызстандын биринчи улуттук спутнигин учурууга байланыштуу АКШнын Лос-Анжелес шаарына барды. Бул тууралуу Ынтымак Ордодон билдиришти.

Маалым болгондой, улуттук спутник SpaceX компаниясынын ракета алып жүрүүчүсү аркылуу орбитага чыгарылат.

Мамлекет башчысын аэропорттон аталган компаниянын глобалдык өнүгүү боюнча директору Ребекка Хантер тосуп алды.

Бул иш-чара Кыргызстандын космостук технологиялар жаатындагы алгачкы маанилүү кадамдарынын бири болуп саналат.