"Эмоцияга алдырбаңыз". Депутаттын сиркеси суу көтөрбөй кетти (видео)

Бүгүн, 1-октябрдагы Жогорку Кеңештин жыйынында депутат Советбек Рустамбек уулу салык кызматынын башчысы Алмамбет Шыкмаматовго суроо берип жатып жиндене түштү.

"Жанындагы ким? Алаксытпай турсаңыз! Эй, токтотуп койгула, убакыт кетип жатат!",- деди эл өкүлү.

Шыкмаматов: "Эмоцияга алдырбаңыз",- деп жубатты. Буга жыйындагылар күлүштү.

"Эмоцияга алдырган жокмун. Сиз деле бардыгын урушуп жатпайсызбы. Азыр четинен эле урушуп чыктыңыз го. Баарына акыл үйрөттүңүз го",- деди Рустамбек уулу.

Айта кетсек, бүгүнкү отурумда Шыкмаматов депутат Элвира Сурабалдиева менен кайым айтыша кеткен.