Атчандардын жапайы маралды кармаган видеосу талкуу жаратты

Социалдык тармактарда бир нече атчан жигиттин жапайы маралды кууп, аркан менен кармаган видеосу тарады.

Кадрларда атчан адамдар маралды курчап, качып кетишине жол бербей жатканы көрүнөт. Бир нече аракеттен кийин жаныбар кармалган.

Видео колдонуучулардын арасында түрдүү пикир жаратты. Айрымдар атчандардын аракетин колдосо, башкалары жапайы жаныбарларды кууп, кармоого болбой турганын белгилешти.

Окуянын так кайсы жерде болгону жана марал эмне себептен кармалганы азырынча белгисиз. Кыргызстанда марал Кызыл китепке кирген жаныбарлардын катарына кирет.