Бишкекте жол жээгиндеги жашыл аймактар кандай сугарылат? (видео)

Кечээ, 8-октябрда Бишкек шаарынын мэри Айбек Жунушалиев Экологиялык кеңештин ачык жыйынын өткөрдү.

Анда калаа башчысы арыкта тосулуп турган темир тоскучтун аткарып жаткан ишин түшүндүрүп, жашыл аймактарды сугаруу багытын жеринен көрсөтүп берди.

Мэриянын маалыматына ылайык, шаарда жашылдандыруу иштеринин алкагында 21 чакырымдан ашык жаңы магистралдык сугат түйүндөрү тартылууда. Ошондой эле бак-дарактарды жана бадалдарды сугаруу үчүн автоматташтырылган жана тамчылатып сугаруу системдери киргизилүүдө.